ágú 10 2008
Tags: Hlutdrægni fjölmiðla, Kúgun, Miriam Rose @is, Náttúruvernd, Saving Iceland, Stóriðja
Miriam Rose, Morgunblaðið
Miram Rose skrifar um hugsjónir og aðgerðir Saving Iceland: „Aðferðir okkar eru eflaust ekki alltaf réttar og mega vel sæta gagnrýni. En hvað ætla Íslendingar að gera til að koma í veg fyrir tortímingu landsins?
Saving Iceland – rétt eða rangt?
Bara nafnið á hópnum er nóg til að gefa Íslendingum ærlegan hroll (stundum mér líka) því það kann að hljóma eins og hrokafullur trúboðahópur, kominn til að hjálpa vanþróuðum víkingunum upp úr fátækt og heimsku. En fæstir gera sér grein fyrir því að nafnið varð til þegar hópur íslenskra umhverfissinna sem var orðinn þreyttur á aðgerðaleysi samlanda sinna, kallaði eftir alþjóðlegri hjálp við að stöðva eyðileggingu íslenskra öræfa vegna orkuframleiðslu fyrir stóriðju.
ágú 05 2008
Tags: Alcoa @is, Andri Snær Magnason, Century Aluminum @is, Glencore International @is, Helguvík @is, Impregilo @is, Landsvirkjun @is, Mótmælaaðgerðir, Orkuveita Reykjavíkur @is, Samarendra Das
Fjórðu aðgerðabúðum Saving Iceland er lokið, en baráttan heldur auðvitað áfram. Í ár vorum við í þrjár vikur á Hellisheiði, þar sem Orkuveita Reykjavíkur stækkar nú Hellisheiðarvirkjun, fyrst og fremst til að fullnægja aukinni orkuþörf álfyrirtækja. Við nutum þess að eyða sumrinu í ótrúlegri náttúru, sem nú er í hættu vegna framkvæmdanna. Áhersla okkar í sumar voru hnattræn áhrif álframleiðslu, og bentum við á hvernig álframleiðslan er ekki íslenskt fyrirbæri heldur skaðar allan hnöttinn; umhverfi hans, fólk og dýr.
Aðgerðir okkar og atburðir í ár voru árangursríkir. Laugardaginn 19. Júlí stöðvuðum við framkvæmdir í Helguvík í heilan dag, þar sem Century/Norðurál hyggst nú reisa nýtt álver, án þess að hafa tiltekin leyfi til starfseminnar. Tveim dögum seinna lokuðum við veginum til og frá álveri Norðuráls á Grundartanga sem og Járnblendiverksmiðjunni þar. Í bæði skiptin bentum við á þau jarðvarmasvæði sem þarf að eyðileggja til orkuöflunnar, vafasama viðskiptahætti Century í Vestur Kongó, og á Jamaíka þar sem fyrirtækið er með báxítnámur sínar. Fréttatilkynningar og myndir frá 19. Júlí má sjá
hér og frá 21. Júlí
hér. Read More
ágú 02 2008
Tags: ALCOA, Bakki, Landsvirkjun, Laws
Síðasta Fimmtudag, 31. ágúst, ákvað Þórunn Sveinbjarnardóttir umhverfisráðherra að gera þurfti heildstætt mat á umhverfisáhrifum fyrirhugaðs álvers Alcoa á Bakka við Húsavík, jarðvarmavirkjunum við Þeystareyki og Kröflu, og háspennulínum frá virkjununum til álversins. Í febrúar sl. ákvað Skipulagsstofnun að framkvæmdirnar væru ekki háðar heildstæðu umhverfismati og í kjölfarið kærði Landvernd ákvörðunina.
Heildstætt umhverfismat gerir það að verkum að fólki gefst að sjá heildaráhrifin, þ.e. raunveruleg áhrif verkefnisins. Þórunn hefur verið gagnrýnd fyrir að hafa ekki einnig krafist þess að álversframkvæmdir í Helguvík færu í gegnum heildstætt umhverfismat, enda ljóst að til þess að afla því álveri Norðuráls orku þarf að eyðileggja einstök jarðhitasvæði á Reykjanesinu.
Read More
ágú 01 2008
Tags: Actions, Grænþvottur, Hergagnaiðnaður, Landsvirkjun, Mengun, Náttúruvernd, Rio Tinto, Rio Tinto Alcan, Saving Iceland, Spilling, Þjórsá
,,STÖÐVUM VIRKJUN ÞJÓRSÁR FYRIR HERGAGNAFRAMLEIÐANDA!”
HAFNARFJÖRÐUR – Aðgerðasinnar frá Saving Iceland hafa nú stöðvað umferð að álveri Rio Tinto-Alcan í Straumsvík með því að hlekkja sig við hlið sem hleypa umferð til og frá álverslóðinni. Saving Iceland mótmælir fyrirhugaðri framleiðsluaukningu, nýjum álverum og samhliða eyðileggingu íslenskri náttúru fyrir raforkuframleiðslu. Samstarf Rio Tinto-Alcan við fjölmarga hergagnaframleiðendur er einnig fordæmt.
Rio Tinto-Alcan hyggst nú auka framleiðslu álversins í Straumsvík um 40 þúsund tonn á ári án þess að stækka álverið sjálft. Einnig vinnur fyrirtækið að undirbúningi nýs álvers á Keilisnesi eða í Þorlákshöfn (1). Read More
júl 29 2008
5 Comments
Tags: Andri Snaer Magnason, India, Mining, Samarendra Das, Saving Iceland
Á meðan aðgerðabúðum Saving Iceland stendur hvert sumar, er líklegt að fólk mest athygli fjölmiðla beinist að beinum aðgerðum hópsins. En Saving Iceland stendur fyrir ýmsu öðru á meðan búðunum stendur og einnig allan ársins hring.
Indverski rithöfundurinn og sérfræðingur um áliðnaðinn, Samarendra Das er nú staddur hér á landi á vegum Saving Iceland og hefur nú þegar haldið þrjá opna fundi; Þriðjudaginn 22. Júlí í Friðarhúsi Samtaka Hernaðarandstæðinga, þar sem áhersla var lögð á tengsl álframleiðslu og stríðsreksturs;
Miðvikudaginn 23. Júlí í Reykjavíkur Akademíunni, þar sem Samarendra fjallaði ásamt Andra Snæ Magnasyni, um hnattrænar afleiðingar álframleiðslu og braut á bak aftur goðsögnina um svokallaða ‘hreina og græna’ álframleiðslu; og í Keflavík, Fimmtudaginn 24. Júlí.
Read More
júl 28 2008
3 Comments
Tags: Actions, Century Aluminum, Geothermal Energy, Hengill, Jaap Krater @is, Miriam Rose @is, Reykjavik Energy, Saving Iceland
,,Orkuveita Reykjavíkur fjárfestir í landi langra lista mannréttindabrota!“
(Myndir frá Hengilssvæðinu hér að neðan)
HELLISHEIÐI – Í morgun stöðvaði umhverfishreyfingin Saving Iceland vinnu við eina af helstu jarhitaborholum á Hengilsvæðinu, þar sem Orkuveita Reykjavíkur stækkar nú Hellisheiðarvirkjun. Um 20 aktívistar hafa læst sig við vinnuvélar og klifrað upp á borinn til að hengja upp fána sem segir ,,Orkuveita Reykjavíkur burt frá Hellisheiði og Jemen“. Hópurinn hafði einnig í huga að fara í stjórnstöðvarherbergi svæðisins. Read More
júl 27 2008
2 Comments
Tags: Actions, ALCOA, Century Aluminum, Impregilo, Saving Iceland
Síðastliðna viku áttu sér stað nokkur samstöðumótmæli í Sviss og á Ítalíu; þar sem stuðningi og samstöðu var lýst yfir með baráttu Saving Iceland fyrir verndun íslenskrar náttúru og vistkerfa út um allan heim.
Sviss – Höfuðstöðvar Alcoa í Geneva
Miðvikudaginn 23. Júlí voru mótmæli við höfuðstöðvar Alcoa í Geneva, í Sviss. Tilgangurinn var að setja pressu á Alcoa og sýna samstöðu þeim sem nú taka þátt í aðgerðabúðum Saving Iceland hér á landi. Bæklingum um stöðu mála hér á landi var dreift til starfsfólks og þáttaka fyrirtækisins í hergagnaframleiðslu og stríðsrekstri fordæmd.
Þremur þeirra sem stóðu að mótmælunum var boðið að fara inn og ræða við forsvarsmenn fyrirtækisins. Samræðurnar einkenndust auðvitað af ólíkum sjónarmiðum þeirra sem annars vegar sátu fyrir aftan skrifborðið og hins vegar þeirra sem sátu fyrir framan.
Gagnrýninni varðandi hergagnaframleiðslu Alcoa svöruðu þeir þannig að vörur fyrirtækisins væru fyrst og fremst notaðar til að vernda og verja mannslíf – gjörsamlega þvert á það sem segir á heimasíðu fyrirtækisins (Nánari upplýsingar og heimildir um hergagnaframleiðslu Alcoa má lesa um finna hér). Um fundinn segir m.a. í bréfi frá þeim sem stóðu að aðgerðunum:
Read More
júl 25 2008
Tags: ALCOA, Hlutdrægni fjölmiðla, Landsvirkjun, Media bias, Saving Iceland
Birgitta Jónsdóttir, www.birgitta.blog.is – Í skjóli embættis síns hefur Friðrik Sophusson stuðlað að því að landeigendur við Þjórsá hafa sætt áþekkum aðgerðum og hann upplifði í morgun. Þeir sem vilja ekki beygja sig undir vilja Landsvirkjunar þurfa að þola heimsóknir frá starfsfólki Friðriks í viku hverri þar sem því er ýmist hótað eða reynt að tæla það að gefa eftir með gylliboðum.
Er það allt í lagi? Er ekki verið að ráðast að þeirra friðhelgi? Er Friðrik ekki ábyrgur fyrir þessum ofsóknum? Ef ekki hver þá? Ég hef setið fundi með forustusauðum Alcoa, Landsvirkjunar og Bechtel, þar sem Íslandsvinum var boðið fé til að auglýsa okkar tjaldbúðir ef við gætum skít í Saving Iceland. Auðvitað afþökkuðum við, en mér finnst þetta dæmigert fyrir vinnubrögð þessara fyrirtækja.
Read More
júl 25 2008
Tags: Saving Iceland
Visir.is – „Ég bara dáist að þessu unga fólki sem sýnir afstöðu sína með þessum hætti og vill með því vekja aðra til umhugsunar, um það sem er að gerast í umhverfismálum ekki bara hér á íslandi heldur heiminum öllum,“ segir Álfheiður Ingadóttir þingmaður Vinstri-Grænna. Hún er ánægð með framgöngu samtakanna Saving Iceland, sem undanfarin sumur hafa mótmælt virkjanaframkvæmdum og stóriðjustefnu á Íslandi. Read More
júl 25 2008
Tags: Actions, ALCOA, Century Aluminum, Corruption, Grænþvottur, Hergagnaiðnaður, Jaap Krater, Landsvirkjun, Rio Tinto, Saving Iceland, Spilling, Workers Rights, Þjórsá
FYRIRHUGUÐUM VIRKJUNUM Í ÞJÓRSÁ OG SAMSTARFI VIÐ ALCOA MÓTMÆLT
REYKJAVÍK – Í morgun fóru 30 aktívistar frá Saving Iceland hópnum inn í höfuðstöðvar Landsvirkjunnar, Háaleitisbraut 68, og trufluðu vinnu til að mótmæla fyrirhuguðum Þjórsárvirkjunum og samstarfi fyrirtækisins við Alcoa. Fyrr í morgun vatki Saving Iceland Friðrik Sophusson, forstjóra Landsvirkjunnar og afhenti honum brottfarartilkynningu (sjá hér).
,,Við fordæmum áætlun Landsvirkjunnar um að reisa þrjár virkjanir í Þjórsá og eina í Tungnaá, sem m.a. á að byggja til þess að svara orkuþörf álvers Rio Tinto-Alcan í Hafnarfirði (1,2), þrátt fyrir að stækkun álversins hafi verið hafnað í íbúakosningum vorið 2007. Allt bendir nú líka til þess að virkjað verði í Skjálfandafljóti og Jökulsá á Fjöllum, þar sem Alcoa hyggst nú reisa enn stærra álver á Bakka en áður var áætlað (3,4). Þar að auki eru framkvæmdir fyrirtækisins við Þeystareyki búnar að hafa í för með sér gífurlega eyðileggingu jarðhitasvæðisins (5). Til að bæta gráu ofan á svart eru framkvæmdirnar á Norðurlandi til þess eins að framleiða orku fyrir fyrirtæki sem sjálft viðurkennir að vera vopnaframleiðandi (6) og hefur margoft hlotið athygli fjölmiðla vegna hrikalegra mannréttindabrota sinna (7). Landsvirkjun ætti ekki að bjóða Alcoa velkomið til landsins” segir Jaap Krater frá Saving Iceland. Read More
